قومي معي تا خبرك قصة بديت بفرحة وخلصت بغصة قصة عمر وعمرها أربع سنين بقيت الي لكن الك حصة القصة بتحكي عن عقل وقلب عاشوا العمر كلو بحالة حرب القلب دايب بهوى الحلوين والعقل جد وما اعترف بالحب كلما القلب بعيون سمرا داب يجن العقل ويركب الأسباب ضاع العمر بمشارعة وجدال وعشت وحدي بالمرارة والعذاب وفجأة اتفقوا سوى عليكي والقلب داب بحب عينيكي والعقل قرر يدرس الخطة حتى يقضي العمر بين ديكي صار القلب متسرع وبدو يشرحلك وصاحبو يردو العقل بدو يخبرك عا مهل ويشعر معك تا تشعري بودو ولما التقينا سوى مرة حب عقلي يطرح الفكرة ركب الفكرة بقالب ذكي وعملك وسيطة من بعد خبرة وكلفك عنو تشرحي الغايي لرفيقتك السمرا قبال المرايي وتخبريها عن قلب مهزوم قدام عينك رافع الرايي وأماني أمنك تحكي الحقيقة وتشرحي القصة بتفاصيلا الدقيقة ومهما كان نوع الرد بدو تبقي معو متل ما كنتي صديقة وبرجع بقلك تبقي خبريها لرفيقتك السمرا لما تشوفيها خبريها موقفي الحساس وعن ظروفي الي انتي بتعرفيها وبعدها مثل ما بتعرفي بقينا متل لا رحنا ولا جينا وما كنت اعرف بعدنا عالبال يما الامر كلو ما بيعنينا ضليت ناطر والعقل قلي لا تعبي مي بالسلي ولا تزرع القمحات عالطرقات حتى ما غيرك يقطف الغلي وبعد ما نقلتي لتاني مرحلي عقلي تأكد بانك مش الي والقلب بعدك عايش بغصة مشتاق قلبي يرجعوا الأحلام حتى يشوفك متل ما كنتي وعقلي أنصدم بواقع الأيام وقادر يشوفك متل ما أنتي متلك مثل غيرك وأمرك مش عجيب حظي تركني بجيرتك صفي غريب عقلي اقتنع بس القلب مصدوم مش عم يقبل بقسمي ونصيب
الجمعة, 04 يوليو, 2008
****
والعقل شاف الأمر كلو مهزلي
أضف تعليقا
اضيف في 04 يوليو, 2008 04:12 م , من قبل nouza
من إيطاليا
من إيطاليا
جارنا العزيز
كل مرة اقرا كلماتك المميزة انبهر بقصائدك المميزة والجميلة .واليوم قصيدتك "قصة " سردت باسلوبك الخاص وباللهجة اللبنانية الرائعة قصة حب بين لوم وعتاب وبين صصراع بين العقل والقلب بطريقة لا نمل من القراءة ونعيد القراءة اكثر من مرة حتى لا نستطيع ان نترك كلاماتك .
اشكرك على هذا التناغم الذي يقدمه قلمك
دمت بكل خير
دام قلمك نابض ومميز
تحية جنوبية
نوزااااااااااااااااااا
اضيف في 04 يوليو, 2008 11:44 م , من قبل basemsleman
من سوريا
من سوريا
صديقي العزيز
رائع ما كتبت قرأت و لم أرتو و أحسست بنهم غريب لقراءة كلماتك المميزة كعادتها أهنئك على إحساسك الرائع و أهنئ قلبك المنتصر و أواسي قلبك الرقيق و هي الخاسرة
دمت بخير
المخلص باسم
أضف تعليقا
<<الصفحة الرئيسية
"أيها العقل الحكيم ..
قلبٌ أنا … أرفعُ إليك طلب الإذن ببضعة أنفاس … على انفراد …
باستنشاق نسمة .. لا تحصيها علي …
ألا يحق لي بنزهة خارج قصرك الحصين …؟؟
ألا يحق لك بإجازة قصيرة من رعاية طفل شغوف متهور مثلي؟؟!!"
قصة رائعة وواقعية جدا يا صديقي