من بعد صبر وقلب عم بيدوب
وشمس الأمل شارفت الغروب
ومن بعد ما اشتد فيي اليأس
عاود وصل من حضرتك مكتوب
وبفتحة المكتوب بالعنوان
اسوَد قلبي ودبلت الألوان
بكلمة (أخي) وبخط واضح
باب عمري انفتح للأحزان
كلمة أخي كتير ملغومي
كسرت قلبي وزادت همومي
بعد ما رفعتك لمقام النجم
سعيتي بجهدك تفرطي نجومي
خيك أنا بس لو ما كون
عايش عاهاجس حبك المجنون
ولو ما كون أعمى منطفي
ويكون حبك لهالاعمى عيون
روحي بقى الله معك
حبك بقلبي باقي معي
وإذا لعندي زمانك رجعك
ناطرك لا تحزني لعندي رجعي
لفوق نجمات السما رح طلعك
وبقول انشاالله التجربي تزيدك وعي
وان ما رجعتي وبعد عني مطرحك
رح قول الله معك ويسامحك
وان قصدتي أخدمك تأكدي
رح كون خيك ومثل ريش بجانحك
السبت, 05 يوليو, 2008
أضف تعليقا
اضيف في 20 يوليو, 2008 10:42 م , من قبل sky2018
من فلسطين
من فلسطين
مرحبا
كلمات جميله
وارجو لك التوفيق من الله وان تكون جارا دائما في العطاء
ولنعمل معا لسماء2018
أضف تعليقا
<<الصفحة الرئيسية
من إيطاليا
مكتوب يا جارنا من اجمل ما قرات في مدونتك
كلماتك الحزينة تنير الطريق الى الاحساس الحزين الصادق كالشمس التي تضيء لغيرها وهي مضيئة بنفسها
دمت بهذا التالق
دمت بخير
نوزااااااااااااااا